Universitéiten
D’Leopold-Franzens-Universität (LFU) ass
di gréissten Universitéit a West-Eisterräich an huet eng ronn 28.000 Léit, déi hei studéieren. Si besteet aus 16 Fakultéiten an 81 Instituter. Des Fakultéiten
si queesch duerch ganz Innsbruck verdeelt, wat den Innsbrucker Charakter vun der Studentestad ënnersträicht.
D’Medizinische Universität Innsbruck (MUI) gouf 2004 als eegestänneg Universitéit gegrënnt an ass aus der Leopold-Franzens-Universität ervirgaangen. Sie ass eng vun deene gréissten Ausbildungsplaze fir d’Medeziner an d’medezinesch Fuerscher an Eisterräich. Schonn ab dem Ufank vum Studium, gëtt op eng Praxis-no a Patienten-orientéiert Ausbildung Wäert geluecht.
De Management Center Innsbruck ass eng Privatuni am Zentrum vun Innsbruck, op där een op däitsch an op englesch
studéiere kann.